मिछुर्लुुङ (तनहुँ), २९ असार
“जातीय भाषा, संस्कृतिको उत्थान, प्रतिभाको प्रस्फुटन हाम्रो अभियान” भन्ने मूल नाराका साथ एसटी क्रियशनको आयोजनामा हुन लागेको मिस मगर नेपाल–२०२२ का प्रतियोगीहरू मगर भाषा र संस्कृतिबारे प्रत्यक्ष बुुझ्न तनहुुँको पर्यटकीय मगर गाउँ, भिमाद नगरपालिका–५ स्थित मिछुुर्लुुङ होमस्टेमा पुुगेका छन् । त्यहाँ उनीहरूले स्थानीयसँग आफ्नो भाषा र संस्कृतिबारे प्रत्यक्ष आफ्नो जिज्ञासा मेटाएनन् मात्र । उनीहरूले मिस मगर नेपालको नयाँ प्रोमो छायाङ्कनमा समेत सहभागिता जनाए ।
यही असार १७ गते शुक्रबार उनीहरू मिछुुर्लुङ पुुगेका हुन् । मिस मगर नेपालका एक प्रतियोगी इलामकी भावना खपाङ्गीले भनिन्, “पूर्वको मगर भएर पनि पश्चिमको मगर संस्कृति र भाषाबारे बुुझ्न पाउँदा औधी खुशी छु ।” मिस मगर नेपाल–२०२२ आफ्ना लागि निकै उपयोगी बनिरहेको अर्की प्रतियोगी कैलालीकी महिमा रानाले बताइन् । स्याङ्जाकी गोमा थापालाई पनि यसपालीको मिस मगर प्रतियोगिता निकै गज्जब लागेको छ । उनी भन्छिन्, “मिस मगरमा सहभागी बन्न पाउँदा खुुशी छुु, धेरै कुरा सिक्न पाएकी छुु ।” पूर्वदेखि पश्चिमसम्मको सहभागीसँग चिनजानसँगै संगत गर्न पाउँदा निकै खुशी लागेको बताउँछिन्, म्याग्दीकी सलिना घर्ती । मिस मगर नेपाल–२०१९ की बिजेता सनम गर्बुुजा यसपालीका प्रतियोगीहरू पनि निकै उत्सुक र मेहनती पाएको बताउँछिन् ।
झण्डै एक महिनादेखि मिस मगर नेपालका प्रतियोगीहरूले विभिन्न कक्षा लिएका छन् । कक्षामा मगर जातिको भाषा, संस्कृतिदेखि आधुनिक फेशन, ¥याम्प, नेतृत्व विकास, सकारात्मक सोंचबारे समेत प्रशिक्षण दिइएको एसटी क्रियशनका प्रबन्ध निर्देशक एवं कोरियोग्राफर सुरज थापामगरले जानकारी दिनुुभयो । सन् २०११ मा मिस मगर पोखराबाट सुुरु भएको यस सौन्दर्य प्रतियोगिता सन् २०१४ देखि मिस मगर नेपालमा रुपान्तरित भएको हो । विविध कारणले बीचमा प्रतियोगिता गर्न नपाएपनि सन् २०१९ मा पुनः मिस मगर नेपाल भएको थियो । तर, कोरोना महामारीका कारण दुुई वर्ष हुन नपाएको थापामगरले बताउनुुभयो ।
मिस मगर नेपाल फरक खालको सौन्दर्य प्रतियोगिता भएको बताउँदै मिस मगर नेपालका निर्देशक शिव थापामगरले मगर जातिको भाषा, संस्कृति र भेषभूूषालाई नयाँ पुस्तामा हस्तान्तरण गर्न यस्तो खालको सौन्दर्य प्रतियोगिता गज्जब माध्यम बनेको बताउनुुभयो । मिस मगर नेपाल सौन्दर्य प्रतियोगिताका नकारात्मक पक्षलाई सुधार गर्दै कला, संस्कृति र प्रतिभाको प्रस्फुुटन गर्ने माध्यम बनेको थापामगरको भनाइ छ ।
मिस मगर नेपाल–२०२२ को उपाधि जित्नका लागि १२ जना प्रतियोगी प्रतिस्पर्धामा छन् । यही असार ३० गते बिहीबार सेल्फ ट्यालेण्ट शो हुँदैछ भने आगामी साउन ६ गते ग्राण्ड फिनाले हुने जनाइएको छ । यसअघि, मिस मगरको आयोजना नेपाल मगर संघ, कास्कीले गर्दै आएको थियो ।