बांके ।
बांके सशस्त्र प्रहरीद्धारा आठ केजी चांदी बरामद गरेको छ । प्रहरीले चेकजांचको क्रममा उक्त परिणमको करिव ८ लाख मुल्य बरावरको चांदी पक्राउ गरेको हो ।
सशस्त्र प्रहरी वल नेपाल नम्बर ३० गण हेडक्वाटर बागेश्वरी बांकेबाट सशस्त्र प्रहरी सहायक निरीक्षक द्धय गोविन्द बिहारी शुक्ला र तीर्थ बहादुर भाट क्षेत्रीको कमाण्डमा खटिएको टोलीले नेपालगञ्ज उपमहानगरपालिका १६ चौलिका चोकमा भारतबाट आउदै गरेको UP 32 ek 8196 नम्बरको भारतीय मोटरसाइकललाई चेक जांच गर्ने क्रममा अवैध रुपमा लुकाइछिपाइ ल्याउदै गरेको ५ किलो ७ सय ८५ ग्राम ढिक्का चार पिस र २ केजी ५ सय ११ ग्राम औठी, पाउजु र गरगहना सहित गरी जम्मा ८ केजी २ सय ९६ ग्राम चांदी पक्राउ गरेको हो ।
उक्त धातु चादी हो होइन भन्ने कुरा नेपाल सुनचांदी ब्यवशायी संघ बांकेले परिक्षण गरी चांदी नै भएको प्रमाणित भएपछि मोटरसाइकल सहित नेपालगञ्ज भन्सार कार्यालय जमुनाहा बांकेमा बुझाइएको सशस्त्र प्रहरी वल नेपाल नम्बर ३० गण हेडक्वाटर बागेश्वरी बांकेका प्रमुख सशस्त्र प्रहरी उपरीक्षक जनक बस्नेतले जानकारी दिए ।
