काठमाडौं, १८ भदौ
संयुक्त अरब इमिरेट्स (युएई)को दुबई शहरमा रहेका प्रवासी नेपालीहरूद्वारा स्थापित हामी सबै परदेशीको बचत तथा ऋण सहकारी संस्थाले मृगौलापीडित मीना आलेलाई आर्थिक सहयोग गरेको छ ।
समीर तामाङ बचाऊ अभियानका क्रममा संकलित रकम समीर तामाङलाई उपचारार्थ पुगेकाले मृगौलापीडित आलेलाई ६१ हजार ४ सय ५४ रुपैयाँ नगद हस्तान्तरण गरिएको हो । काठमाडौंको ठमेलस्थित लाफा ग्रुप लिमिटेडको प्रधान कार्यालयमा भएको एक कार्यक्रममा मृगौलापीडित आलेलाई सो रकम हस्तान्तरण गरिएको हो ।
तानसेन नगरपालिका–१२, पाल्पाकी बुबा सूर्यबहादुर राना र आमा गोमा रानाकी छोरी एवं श्रीमान् भोजवीर आलेकी श्रीमती रहेकी ३१ वर्षीया आलेलाई सहकारीका अध्यक्ष प्रकाश केसीले सो रकम हस्तान्तरण गर्नुभएको हो ।
सहकारीमा अध्यक्ष केसीसहित उपाध्यक्ष पूर्णिमा घिसिङ, सचिव सुविन अधिकारी, कोषाध्यक्ष प्रदीप भण्डारी, विशेष सल्लाहकार कपिल भट्टराई र सल्लाहकार सिर्जना अधिकारीलगायत ३० सदस्यीय रहेको छ । इलाममाई नगरपालिका–८, इलामनिवासी बुबा सन्तोषकुमार गोले र आमा मुनामाया तामाङका छोरा १४ वर्षीय समीर तामाङको हाल उपचार भइरहेको छ ।