पोखरा, १० असार
ब्रेन ट्युमर भइ ज्यान गुमाएकी नौ वर्षीया बालिका रिहाना पुनको उपचारका लागि संकलित रकम एकमुष्ठ रुपमा बागलुङ–पोखरा मगर समाजले मृतक बालिकाको परिवारलाई हस्तान्तरण गरेको छ ।
समाजको पहलमा संकलित १५ हजार रुपैयाँ बिहीबार समाजका सल्लाहकारद्वय क्या. मीनबहादुर पुन र भीमबहादुर श्रीस, कोषाध्यक्ष कृष्णा पुनलगायतको उपस्थितिमा रिहानाकी ठूली आमा निर्मला घर्ती पुनलाई हस्तान्तरण गरिएको हो ।
रिहानाको ब्रेन ट्युमर भइ उपचारका क्रममा आर्थिक समस्या भएपछि देश तथा विदेशबाट आर्थिक संकलन सुरु गरिएको थियो । उनको उपचारकै क्रममा पोखराको लेकसिटी अस्पतालमा मृत्यु भएको हो ।