काठमाडौं, २९ असोज
देश तथा विदेशमा रहेका नेपालीहरूको सामूहिक लगानीमा स्थापित लाफा ग्रुप लिमिटेडको प्रथम वार्षिक साधारणसभा आगामी कात्तिक ११ गते हुने भएको छ ।
काठमाडौं महानगरपालिका वडा नं. २६, ठमेलमा मुख्य कार्यालय रहेको सो पब्लिक कम्पनीको साधारणसभा लाजिम्पाटस्थित होटल ¥याडिसनमा हुने कम्पनीकी अध्यक्ष चन्द्रज्योति आलेले जानकारी दिनुभयो । अध्यक्ष आलेका अनुसार साधारणसभाबाट कम्पनीको सञ्चालक समिति गठन हुनेछ । उहाँका अनुसार साधारणसभाको उद्घाटन उपराष्ट्रपति नन्दकिशोर पुन ‘पासाङ’ले गर्नुहुनेछ ।
त्यस्तै, साधारणसभाले अध्यक्षले प्रस्तुत गर्ने आर्थिक वर्ष २०७४/०७५ को वार्षिक प्रगति प्रतिवेदन, लेखा परीक्षण प्रतिवेदन एवं वित्तीय विवरण, कम्पनीको प्रबन्धपत्र र नियमावलीसम्बन्धी विशेष प्रस्ताव पारित गर्नेछ भने कम्पनीको चुक्ता पुँजी वृद्धिसम्बन्धी विशेष प्रस्ताव समेत पारित गर्नेछ । साधारणसभामा ४ सय २३ जना शेयर सदस्यहरूको सहभागिता रहनेछ । कम्पनीमा २३ वटा देशमा बसोबास गर्ने नेपालीहरूको सामूहिक लगानी रहेको छ ।
लाफा ग्रुपले आफ्नो महत्वपूर्ण एवं गौरवमय आयोजनाका रुपमा काठमाडौंको नागार्जुन नगरपालिका–७ मा पर्ने स्वीट्जरल्याण्ड पार्कनजिकै ‘लाफा भिलेज’ निर्माणको काम अघि बढाइसकेको छ । सो आयोजनालाई लाफा ग्रुपले ‘ड्रिम प्रोजेक्ट’का रुपमा अघि बढाएको अध्यक्ष आलेको भनाइ छ । कम्पनीले साधारणसभामार्फत् अन्य योजनाहरू समेत ल्याउने र सात वटै प्रदेशमा आफ्ना व्यवसायिक आयोजना सुरु गर्ने तयारी समेत गरेको अध्यक्ष आलेले जानकारी दिनुभयो ।
लाफा ग्रुपको प्रथम वार्षिक साधारणसभा कात्तिक ११ गते हुने
२९ आश्विन २०७५, सोमबार
3544
Advertisment