पोखरा, २८ असोज
पोखरा महानगरपालिका–२२, पुम्दीभुम्दीस्थित कालाबाङ तगुह्रों घोथाने भाइखलकको आयोजनामा बडा दशैं, तिहार, नेपाल सम्वत ११३९ तथा छठ पर्वका अवसरमा शुभकामना आदानप्रदान एवं सम्मान कार्यक्रम सम्पन्न भएको छ ।
सो अवसरमा वैदेशिक रोजगारीबाट बिदामा घर आएका जोगमान गुरुङ, प्रदीप गुरुङ, सुजित गुरुङ र रोहित गुरुङलाई सम्मान गरिएको थियो । कार्यक्रममा सुनिता गुरुङ, योमाया गुरुङ, होमबहादुर गुरुङ, लौप्रसाद गुरुङ, मनकुमारी गुरुङलगायतले शुभकामना मन्तव्य राख्नुभएको थियो ।
भाइखलकका अध्यक्ष ओमप्रसाद गुरुङको अध्यक्षतामा भएको कार्यक्रमको सञ्चालन सचिव सु. लोकप्रसाद गुरुङले गर्नुभएको थियो ।