रुद्र श्रीसमगर
पाेखरा, २२ वैशाख
शनिबार नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टीले अाह्वान गरेकाे नेपाल बन्दकाे पर्वाह नगरी चर्चित लाेक गायक खड्ग गर्बुजा मगरकाे “एकल लाेकगायन कार्यक्रम-२०७५” मा पाेखरेली झुमेका छन् । पाेखरा सभागृहमा भएकाे कार्यक्रममा बन्दकाे पर्वाह नगरी गर्बुजाका गीत सुन्न दर्शककाे उपस्थिति सन्ताेषजनक रह्यो ।
मादल बजाएर गर्बुजाकाे एकल लाेकगायन कार्यक्रमकाे उद्घाटन गर्दै प्रदेश नं. ४ का भूमि व्यवस्था, कृषि तथा सहकारी मन्त्री लेखबहादुर थापामगरले लाेकसंस्कृतिले प्रदेश नं. ४ समृद्ध रहेको बताउनुभयो । कला, संगीत र साहित्य प्रदेशको पहिचान भएकाे भन्दै मन्त्री थापामगरले सांस्कृतिक पहिचानकाे संरक्षणका लागि प्रदेश सरकारले विशेष ध्यान दिने बताउनुभयो ।
राष्ट्रिय लाेक तथा दाेहाेरी गीत प्रतिष्ठानका केन्द्रीय प्रमुख संरक्षक प्रजापति पराजुलीले खड्ग गर्बुजा नेपाली लाेकसंगीतकाे स्थापित कलाकार भएकाे बताउँदै लाेकसंगीतकाे विकासमा गर्बुजाकाे याेगदान अतुलनीय रहेकाे उल्लेख गर्नुभयाे ।
कार्यक्रममा लाेकगायक गर्बुजाले सालैजाे, यानीमाया, साेरठी, दाेहाेरी गरि १७ वटा गीत प्रस्तुत गर्नुभयो । गर्बुजालाई युगल गायनमा गायिकाहरू मीना गर्बुजामगर, निरा गुरुङ र निता पुनमगरले साथ दिनुभएको थियाे ।
नेपाल मगर सांस्कृतिक संघ, केन्द्रीय समितिकाे अायाेजना र कास्की जिल्ला समितिकाे व्यवस्थापनमा भएकाे कार्यक्रममा प्रदेश नं. ४ का सांसदहरू चन्द्रबहादुर बुढामगर ‘सागर’, राेशन गाहामगर, इन्द्रधारा विष्ट, दिलमाया राेकामगर ‘दीपा’, सावित्री रानामगर, पियारी थापामगरलगायतकाे समेत उपस्थिति थियाे ।
साे अवसरमा लाेक गायक खड्ग गर्बुजामगरकाे अात्मकथा समेटिएको पुस्तक ‘माेडिएकाे बाटाे’ र संघद्वारा प्रकाशित २०७५ सालकाे भित्तेपात्राे मन्त्री थापामगरले विमाेचन गर्नुभएको थियाे । साथै, कार्यक्रममा सहयाेग गर्नेहरूलाई सम्मान समेत गरिएको थियाे ।
संघका अध्यक्ष कविराज मगरकाे अध्यक्षतामा भएकाे कार्यक्रमकाे सञ्चालन महासचिव बिलन थापामगर, सचिव डाेलराज बारघरेमगर र कास्की जिल्ला सचिव सुरज थापामगर र केन्द्रीय काइके भाषिक उपाध्यक्ष दीपसागर थापामगरले स्वागत गर्नुभएको थियाे ।