घिरिङ, २८ असोज
नेपाल कम्युनिष्ट पार्टी (नेकपा), घिरिङ गाउँ संगठन कमिटी, तनहुँले बडा दशैं, तिहार, नेपाल सम्वत् ११३९ तथा छठ पर्वको अवसरमा शुभकामना आदानप्रदान एवं चियापान कार्यक्रम सम्पन्न गरेको छ ।
कार्यक्रममा बोल्दै नेकपाका स्थायी समिति सदस्य सोमनाथ अधिकारी “प्यासी”ले कम्युनिष्ट आन्दोलनमा तनहुँ जिल्लाको महत्वपूर्ण योगदान रहेको बताउनुभयो । त्यस्तै, नेकपाका प्रतिनिधिसभाका सांसद् कृष्णकुमार श्रेष्ठ “किसान”ले जनतासँग गरेको वाचा पाँच वर्षभित्र पूरा गरेरै छाड्ने दाबी गर्नुभयो ।
सो अवसरमा घिरिङ गाउँपालिकाका अध्यक्ष रनबहादुर राना, उपाध्यक्ष सरस्वती सिग्देल, नेकपाका नेता रामजी अर्याललगायतले शुभकामना दिनुभएको थियो । नेकपा घिरिङ गाउँ संगठन कमिटीका अध्यक्ष होमबहादुर थापाको अध्यक्षतामा भएको कार्यक्रमको सञ्चालन इन्द्रबहादुर थापा र डम्बर विकले स्वागत गर्नुभएको थियो । कार्यक्रमको प्रायोजन घिरिङ निर्माण सेवा प्रालिका तर्फबाट मनबहादुर आले र मनबहादुर रानाले गर्नुभएको थियो ।