पोखरा, १५ साउन
मौलिक गीतहरूमा स्वर दिएर फरक पहिचान बनाएका लोक तथा दोहोरी गायक नवीन रानामगरले फेरि अर्को नयाँ मौलिक गीत बजारमा ल्याएका छन् । उनले बागलुङको गलकोट क्षेत्रमा प्रचलित बर्खे भाका ‘वैंश जोवान’को म्यूजिक भिडियो युट्युबमार्फत् सार्वजनिक गरेका हुन् ।
टाइगर्स फिल्मस् प्रालिको प्रस्तुती रहेको सो गीतको संकलन उनी आफैंले गरेका हुन् भने उनलाई लोक तथा दोहोरी गायिका यामु श्रीसमगरले स्वरमा साथ दिएकी छिन् । गीत रेकर्ड भने राग रेकर्डस्मा गरिएको हो । म्यूजिक भिडियोको निर्देशन राम रानामगर ‘डुजुङ’ले गरेका हुन् ।
म्यूजिक भिडियोको छायाङ्कन तथा सम्पादन दानबहादुर श्रीसमगर र कलरिङ मिलन गुरुङले गरेका हुन् । म्यूजिक भिडियोको छायाङ्कन बागलुङको गलकोट नगरपालिका–५, हिस्लाङमा गरिएको हो ।