काठमाडौं, १५ साउन
मगरहरूको सामूहिक लगानीमा स्थापना भएको लाफा ग्रुप लिमिटेडद्वारा निर्माण गर्न लागेको लाफा भिलेज रामकोटमा एक दिवसीय निःशुल्क स्वास्थ्य शिविर हुने भएको छ । निर्माणाधिन लाफा भिलेज स्वीजरल्याण्ड पार्क नजिकै काठमाडौंको नागार्जुन नगरपालिका–७ मा पर्दछ ।
समृद्ध नेपाल नामक संस्थाले आफ्नो स्थापना दिवसको अवसरमा लाफा ग्रुप लिमिटेडको व्यवस्थापनमा यही साउन १९ गते शनिबार सो स्वास्थ्य शिविर गर्न लागेको कम्पनीकी अध्यक्ष चन्द्रज्योति आलेमगरले जानकारी दिनुभयो । समृद्ध नेपालले सो शिविरमा उपस्थित भइ मौकाको फाइदा उठाउन पनि सम्पूर्ण सर्वसाधारणलाई अनुरोध गरेको छ । शिविर बिहान ११ बजेदेखि सुरु हुनेछ ।
